Home / Opini / Ba’i Tofilus setuju bawa dia pung bini pi Pante Maladewa

Ba’i Tofilus setuju bawa dia pung bini pi Pante Maladewa

Bagikan Halaman ini

Share Button

17ilustrasi

 

 

 

MORAL-POLITIK.COM  – Takut pung kerja jang sampe ada apa-apa deng Ba’i Tofilus, Nene Mince lari-lari kecil sampe hamper tikam mulut di batu piak di muka dong pung ruma.

Sampe di dalam kamar, Nene Mince langsung tarek Ba’i Tofilus pung kerak baju ko kasi duduk di atas tampa tidor, lalu dia goso-goso Ba’i Tofilus pung kandog kemudian paksa ko harus munta kas kaluar itu laru dari dalam parut.

Ba’i Tofilus sonde punya pilihan, daripada Nene Mince falungku dan boto-boto sampe pagi buta, dia kasi masok jari dalam mulut untuk pancing bisa munta.

Betul ju, belom sampe satu menit te dia su munta kas kaluar laru deng ikan sardine. Bau laru pung tajam bikin Nene Mince tutup ame dia pung hidung deng tas kresek tampat dia taro siri, pinang dan tembako.

Su abis munta, Nene Mince suru Ba’i Tofilus pi bikin bersih badan lalu pel kasi bersih lantai kamar.

“Bosong bacarita apa sa ko lama baru pulang?” Tanya Ba’i Tofilus sambil pel lante.

Nene Mince dapat akal. “Karmana kalo minggu depan lu ajak beta tapaleuk pi Pante Maladewa?” kata Nene Mince sambil goso-goso Ba’i Tofilus pung bahu.
Ba’i Tofilus lepas ame itu kaen pel lalu bilang, Maladewaa tu dimana?

Sakarang giliran Nene Mince yang bingung. Ko dia ju sonde tau Maladewa tu dimana. Itu tempat ju dia baru dengar waktu bacarita di rumahnya Ba’i Ndu.

“Karmana kotong dua bisa pi Maladewa kalo lu sendiri ju sonde tau itu tampat dimana?” kata Ba’i Tofilus.

Nene Mince goso-goso dia pung testa, sapa tau ada mujizat ko dia bisa jawab yang benar. Karna Ba’i Tofilus jus u kapingin pi itu tempat, Nene Mince jawab asal bunyi : “Sonde jao ooo be kira. Itu yang di dekat Gua Monyet di pante Teno tu.”

Baca Juga :  Kini Ada Sepatu Anti Pemerkosaan Karya Anak Indonesia

Ba’i Tofilis tersenyum. Dia pung hati bilang kalo di situ sa mau minta pi tiap hari ju sonde apa-apa. Laen halnya kalo Maladewa tu ada di Pante Kolbano sana eeee.

Nene Mince senang minta ampon karna Ba’i Tofilus su setuju. Dia pun minta persetujuan Ba’i Tofilus supaya ajak ju dengan lima pasangan suami-istri yang tadi duduk bacarita sama-sama deng dia.

“Neu,lu bikin ame kasi beta kopi, abis na lu pi undang deng dong su. Bilang esok pagi-pagi buta na kotong rame-rame jalan kaki pi Pante Maladewa,” kata Ba’i Tofilus.

Nene Mince senyum-senyum bangga deng dia pung laki. Dalam dia pung hati bilang, jang pikir ARB sa yang bisa ajak orang dong pi Maladewa. Beta pung laki biar dia pung badan su babo tana tapi bisa ju ajak beta cuci mata di Maladewa yang dekat deng Gua Monyet Teno.

“Mau lawan deng Ba’i Tofilus?” bisik Nene Mince dalam dia pung hati.

 

 

Oleh Ba’i Vincent

Komentar Anda?

Tags :

Bagikan Halaman ini

Share Button