Home / Opini / Nene Tofilus mau malam Minggu di rumah makan

Nene Tofilus mau malam Minggu di rumah makan

Bagikan Halaman ini

Share Button

31ilustrasi

 

 

MORAL-POLITIK.COM – Sabantar ini Malam Minggu. Orang-orang muda dong pi bapacaran di tempat-tempat romantis. Kalo orang-orang tua yang ada doi na pi makan di ruma makan.

Karna su hamper satu taon Nene Tofilus sonde pernah diajak pi makan di restoran, dia bikin rencana mau minta Ba”i Tofilus ajak dia pi makan di Taman Nostalgia.

“Ini malam beta sonde bamasak apa-apa,” kata Nene Tofilus begitu Ba’i Tofilus abis tofa rumput di muka rumah.

“Biar sa nanti beta yang bamasak,” kata Ba’i Tofilus apa adanya.

Nene Tofilus goyang-goyang dia pung kepala. Dalam hati dia bilang Ba’i Tofilus ni sonde tau perempuan pung mau-mau, biar su tua kakaluk. Karna sonde tahan jengkel, Nene Tofilus babangkit bilang su sonde cinta deng dia lai makanya sonde pernah ajak pi makan di rumah makan.

“Cinta tetap cinta tapi daripada pi makan di rumah makan ko kasi kaluar uang Rp 15 ribu, lebi bae beli beras dolog 20 kg ko makan selama satu bulan,” kata Ba’i Tofilus.

“Lu pung kakeek deng bini hanya satu sa ju,” kata Nene Tofilus sambil cemberut.

Ba’i Tofilus pi badiri dekat deng Nene Tofilus lalu pegang Nene pung jari kalingking, kemudian bilang Malam Minggu berikut sa baru dia akan kasi kejutan khusus.

“Bae su, tapi jang talalu kasi takuju te nanti beta pung panyakit jantung kumat lai ju lu jadi duda su ma,” kata Nene Tofilus sambil tersenyum manis.

Penulis : Vincent

Baca Juga :  Rubahlah cemburu dengan cuek. Penasaran nggak?

Komentar Anda?

Tags :

Bagikan Halaman ini

Share Button