Home / Opini / Opa Tofilus jengkel Oma Tabita pi nonton kampanye Pileg

Opa Tofilus jengkel Oma Tabita pi nonton kampanye Pileg

Bagikan Halaman ini

Share Button

1

ilustrasi

 

 

KUPANG, MORAL-POLITIK.COM – Opa Tofilus baru sa bangun tidor padahal su jam sebelas siang. Dia pung biasa kalo bangun begitu na Oma Tabita su taro kopi satu galas besar di dia pung tampa duduk di muka ruma yang dekat deng jalan raya. Tapi ini pagi dia su tunggu hamper satu jam ma Oma Tabita pung suara sa dia son dengar.

“We, Tabita! Lu dimana ni?” teriak Opa Tofilus.

Son ada suara yang manyaut deng dia.

Dia mulai curiga ada yang son beres. Dia bangun dari tampa duduk lalu jalan kaki batarek-tarek ko pi maloi di dapur. Son ada ju. Dia pun boto-boto bilang parampuan tua satu ni son urus laki ma pi masnanaok dimana lai.

Dia belom baboto abis Oma Tabita su bikin kaget deng dia deng puku ame dia pung kandok tapi pelan-pelan sa.

“Be kira lu son bangun-bangun lai makanya beta pi nonton kampanye Pileg,” Oma Tabita kas tau deng Opa Tofilus.

Opa Tofilus son bisa mara lai ko dia ada bingung deng itu kata pileg. Dalam dia pung hati, ko kanapa beta pung istri ni pi nonton orang yang ada sakit pilek (flue).

“Orang pilek ju lu pi nonton ke son perna kena pilek sa e,” gerutu Opa Tofilus lalu minta Oma Tabita eo ame kasi dia kopi pake aer di termos.

Oma Tabita katawa sampe dia pung parut sakit, lalu dia bilang : “Makanya biar su tua ma bargaul deng tatangga dong supaya spnde ketinggalan zaman.”

Opa Tofilus tamba bingung. Dia goso-goso Oma Tabita pung leher lalu dia minta ko kasi tau dia apa itu pilek.

Baca Juga :  Epy Kusnandar: Sering Pisah Ranjang Kala Istri Marah

Oma Tabita sorong kasi Opa Tofilus kopi sambil bilang yang dia maksud itu pemilu legislatif yang kalo disingkat pileg, bukan pilek yang sakit flue itu.

Opa Tofilus pung talinga tabadiri memang.

“Na itu doi yang dong sogok ko pi nonton dong kampanye tu bagi beta sepulu ribu rupia sa ko beta mau pi beli laru ko kotong dua minum,” kata Opa Tofilus sambil goso-goso Oma Tabita pung rambut.

Tanta Tabita katawa,diabaru ingat tadi pagi-pagi buta dia pi beli ikan serdin di Pasar Oeba ada beli satu botol laru yang dia simpan dalam lemari makan. Dia pi ame kasi kaluar deng sardin lawar, lalu ajak Opa Tofilus ko dudu-dudu di bawa pohon besar di dong pung muka ruma ko bisa sambil lia orang yang bajalan lewat di situ.

“Lu pung cinta ame deng beta lai,” rayu Opa Tofilus.

Oma Tabita goyang-goyang kapala lalu bilang, “Memang lu ni paling tau sa cara merayau ame deng beta, ko sampe beta sonde bisa lupa lu pung muka walau hanya satu detik sa dia pung lama.

 

Penulis : Opa Vincent

Komentar Anda?

Tags :

Bagikan Halaman ini

Share Button