Home / Opini / Opa Tofilus jengkel son diundang pi kampanye pileg

Opa Tofilus jengkel son diundang pi kampanye pileg

Bagikan Halaman ini

Share Button

7

 

 

MORAL-POLITIK.COM – Su mau tenga malam ma Opa Tofilus belum mengantok. Dia pung otak ada bapikir karmana ko bisa dapa doi roko dengan bajo kos kalo pi nonton kampanye pileg.

Memang di Opa Tofilus pung kampung ada tuju orang caleg, ma dong son toe ame deng dia. Itu caleg dong hanya ajak tetangga laen sa.

Dia pung otak kotor mulai bakarja. Dia susun rencana mau lapor pi polisi kalo kampanye kali berikut dong masi son ajak deng dia.

“Dong belom tau beta na,” dia baomong dalam hati sambil dia pung tangan puku-puku di dinding bebak.

Oma Tofilus datang tarek Opa Tofilus pung baju ko pi tidor. Dia takut Opa Tofilus sakit kalo mete terus-terus.

“Ko lu pi tidor duluan su to, kotong su tu-tua begini mau bikin apalai oooo,” Opa Tofilus bilang dengan Oma Tofilus.

Oma Tofilus nae dara dengar itu kata-kata.
“Jadi lu dulu mau tidor deng beta karna ada mau-maunya ko?” Oma Tofilus minta jawaban.

Tanpa pikir-pikir lai Opa Tofilus bilang, “Ko orang kawin na bagitu sua ma. Ko mau apalai oooo?”

“Tua bangka eeee, jang omong tinggi do, te kotong dua saling tau rahasia hangggg?”

Opa Tofilus son bisa tahan dia pung katawa, lalu dia pikir daripada musti bakalai su tenga malam buta, ko pas polisi patroli lewat ko bawa dong dua pi kantor ko kasi maso dalam sel.

“Na beta mau pi tidor sama-sama deng lu asal garu-garu beta pung kapala supaya cepat tidor, eee?” tawar Opa Tofilus.

Oma Tofilus kunya dia pung gigi gerahang lalu tarek ame deng Opa Tofilus ko maso dalam kamar.

Baca Juga :  Wanita Ini Lebih Pilih Tampil Anggun

Belom tidor sampe satu manit te dong dua su ngorok sama ke ada perlombaan sapa pung ngorok yang paleng besar sa.

 

Oleh : Opa Vincent

Komentar Anda?

Tags :

Bagikan Halaman ini

Share Button