MORAL-POLITIK.COM – Kota Kupang pung panas ame lai. Nene Meliana son tahan lai, dia pung badan su mandi karingat mati pung. Sabantar-sabantar dia kipas badan pake kertas koran, lalu ganti kipas pake piring plastik. Sama sa, ko ini panas su talalu na.

Ba’i Zarus pulang dari PLO (Baca: Pak Laru Oeba) duduk di samping Nene Meliana, dia takut ajak baomong, panas begini Nene Meliana gampang marah; bahkan bisa lempar pake itu piring yang dia ada kipas-kipas.

“Bapa eeee, cerita apa ko sapa tau bisa bikin dingin ini badan yang su mulai babo tana ni,” kata Nene sambil goso-goso Ba’I Zarus pung bahu.

Pas Ba’i Zarus pung roko abis, dia pake kesempatan untuk minta doi. “Be cerita tapi cinta beli kasi Be roko do,” tawar Ba’I Zarus sambil liat pi laen tampat, takut liat Nene pung muka bisa ketawa dan akhirnya sonde dapat rokok lai.

Nene panggil dia pung cucu untuk pi beli rokok tiga batang, dia su hitung pas untuk pake bacarita.

“Tunggu ko Be pi masak kopi kasi lu supaya carita lebih seru lai eeee,” tawar Nene Meliana.

Ba’i senyum-senyum, dalam hatinya bilang tartau ini hari dia mimpi bae apa ko dapat pengasihan begini banyak memang.

Sepuluh menit kemudian Nene su bawa kopi di gelas besar, rokok ju pas datang. Bai bakar rokok, tarek itu asap panjang-panjang lalu kasi kaluar asap dari dia pung hidung dan mulut.

Ini kali laen sekali, biar asap kena Nene pung muka tapi dia sonde mangamok. Hitung-hitung sonde dapat cerita, lebih bae dia tahan sa itu penderitaan asap yang masok pi dia pung mata.

Setelah Ba’i Zarus teguk kopi dua kali, Nene tagi janji carita.

“Tiga tahun lai kotong dua pung kawin emas, to?” kata Ba’i Zarus.

Nene Meliana pung talinga langsung badiri tegak. “Jadi cinta mau kasi Beta hadia apa?” kata Nene Meliana.

“Mintalah maka kau akan kuberikan,” kata Ba’i Zarus mencontek injil…

Nene langsung putar-putar dia pung otak. Dia mau minta sesuatu yang lain dari yang lain.

san2Melintasi Golden Gate Bridge dengan bus wisata beratap terbuka. Jembatan di San Francisco ini sudah ada sejak 1937. (foto: windede.com)

 

“Kalo Cinta Na Bawa Beta Pi Jembatan Palmerah?” kata Nene sambil goso-goso Ba’i Zarus pung lutut.

Geli tapi Ba’i tahan sa, daripada kena makararuak. Sambil itu dia tarek napas legah, karena permintaan sonde berat. Pi pulang naek Fery son masalah, paleng perlu modal satu juta rupiah sa.

“Berarti Beta pung janji untuk kotong dua pi pasiar liat Jembatan San Fransisco batal su eeee, ko itu jembatan Palmerah kembarannya Jembatan San Fransisco naaaa,” akal bulus Ba’i Zarus keluar.

Nene Meliana angguk-angguk kepala sambil garu-garu dia pung kepala, mungkin ada dua atau tiga kutu yang nakal.

san3San Fransisco. Cocok untuk anda yang menyukai aktivitas diluar ruangan. (cantiq.us)

 

Sembari itu, Ba’i Zarus mendengung syair lagu San Fransisco:

If you’re going to San Francisco
Be sure to wear some flowers in your hair
If you’re going to San Francisco
You’re gonna meet some gentle people there
For those who come to San Francisco
Summertime will be a love-in there
In the streets of San Francisco
Gentle people with flowers in their hair
All across the nation such a strange vibration
People in motion
There’s a whole generation with a new explanation
People in motion people in motion
For those who come to San Francisco
Be sure to wear some flowers in your hair
If you come to San Francisco
Summertime will be a love-in there
If you come to San Francisco
Summertime will be a love-in there.

Nene Meliana goyang-goyang dia pung kepala, walo son tau dia pung arti apa. Tapi begitu abis lagu dia pung akal sonde abis ju. “Nanti kotong inbox itu orang PU dong ko bikin lagu dengan judul Palmerah,” katanya ke kenal orang PU sa.

Ba’i Zarus setuju, dia rencana mau minta ojek ko antar dia pi ketemu Kadis PU NTT Andre Koreh untuk omong Nene Meliana pung usulan, sapa tau jadi, na itu dia pung istri tercinta pung ide.

Penulis: Vincent

LEAVE A REPLY

Please enter your comment!
Please enter your name here

19 − = 11